Boss, Elsbeth: U plötzlech pressierts

Was wär ds Läbe ohni Gfu?eu: Ohni Fröid, ohni Liebi, ohni Zueneigig, ohni Sehnsucht, ohni Hoffnig, ohni Dankbarkeit, aber o ohni Truur, Wuet, Erger, Enttu?u?schig, Verzwyflig, Angscht u Melancholie? I mym nöischte Buech «U plötzlech pressierts» hets Bärndu?tschi Gschichte fu?r Härz u Gmu?et: Fröhlechi u angeri. Gschichte usem Läbe u us däm, wo me beobachtet u ghört u ghört säge u gseht u vermuetet u schynbar weis u doch ke Ahnig dervo het. Eine wo geng rächt wott ha. Eini, wo ihre Maa mit fule Spru?ch ume Finger lyret. Eini, wo ihrer Wu?nsch u?ber Bord wirft u sich em Läbe steut. Eine, wo schier vergitzlet, wiu är Ehremitglied wird. Eini, wos ihre eifach laferet. Eine, wo sich fragt was wär, we d Mönsche anstatt mit em Chopf mit em Härz wu?rde däiche ? U was passiert, we me wichtegi Frage us der Buechstabesuppe fischet? U was isch, we e Troum e Troum blybt? Yversucht u Misstroue wo entstöh, we d Wunschtröim u d Wu?rklechkeit geng wyter usenangdrifte, bringe explosivi Spannig i d Zwöierchischte. We d Hoffnig uf ene Veränderig schmiuzt, wi Yschblueme ar Fäischterschybe bim erschte Fru?eligssunnestrau, de isch auä Hopfe u Mauz verlore. We me nu?mm zschlag chunnt mit öppisem oder öpperem, de sött me u?ber d Bu?echer. Ds Läbe u ds Zämeläbe u d Liebi sy äbe nid geng eifach! - U mängisch pressierts!